IDEAL STUDY USTOZIGA KUTILMAGAN MUKOFOT: MALAYZIYAGA 1 HAFTALIK BEPUL SAYOHAT VAUCHERI TAQDIM ETILDI!
IDEAL STUDY jamoasida fidokorona mehnati, yuksak kasbiy mahorati va shogirdlari erishayotgan ulkan natijalari bilan alohida e’tirofga sazovor bo‘layotgan ustozlardan biri — Abdullayev Mirjalol O‘ktam o‘g‘li Malayziyaga 1 haftalik bepul sayohat vaucheri bilan taqdirlanadi.
Yaqinda Guliston shahrida Huquq va Tarix fanlari bo‘yicha o‘tkazilgan fan olimpiadalarida ustozning shogirdlari 8 ta oliy o‘rinni qo‘lga kiritib, mutlaq rekord natijani qayd etdilar. Bu yuksak natija nafaqat ustozning bilim va tajribasi, balki uning tinimsiz mehnati, mas’uliyati va ta’lim sifatiga bo‘lgan yuksak talabchanligining yorqin ifodasidir.
IDEAL STUDY asoschisi Shoislom Baratov ushbu ulkan yutuqni, shuningdek, ustozning ko‘p yillardan buyon halol, sadoqat va matonat bilan olib borayotgan mehnatini munosib e’tirof etgan holda, Abdullayev Mirjalol O‘ktam o‘g‘liga Malayziyaga 1 haftalik BEPUL SAYOHAT VAUCHERINI taqdim etishini ma’lum qiladi.
Ushbu mukofot — shunchaki sayohat emas. Bu ustoz mehnatiga hurmat, fidoyilikka ehtirom va yuksak natijalarni qadrlashning amaliy ifodasidir.
IDEAL STUDY jamoasi Abdullayev Mirjalol O‘ktam o‘g‘lini ushbu munosib e’tirof bilan samimiy tabriklaydi! Ustozning kelgusidagi faoliyatida ham ulkan muvaffaqiyatlar, yangi rekordlar va ko‘plab iste’dodli shogirdlar kamol topishini tilaymiz.
IDEAL STUDY — yutuqlar qadrlanadigan, fidoyilik e’tirof etiladigan va ustoz mehnati munosib rag‘batlantiriladigan maskan
