IDEAL STARTUP CHALLENGE 2026: Barcha startap loyihalari moliyaviy qo‘llab-quvvatlanadi!
23-oktabr kuni IDEAL STUDY xususiy maktabida 7–9-sinf o‘quvchilari ishtirokida IDEAL STARTUP CHALLENGE 2026 startap loyihalari tanlovi bo‘lib o‘tdi.
“Haqiqiy muammo. Haqiqiy yechim.” shiori ostida tashkil etilgan tadbir o‘quvchilarning innovatsion fikrlashini rivojlantirish, jamiyatdagi mavjud muammolarga yechim topish va o‘z g‘oyalarini amaliy loyihalarga aylantirishga qaratildi.
Tanlov davomida jamoalar o‘z startap g‘oyalarini ishlab chiqib, ularni taqdimotlar orqali hakamlar hay’atiga himoya qildilar. O‘quvchilar o‘zlarining kreativ yondashuvlari, muammolarni tahlil qilish qobiliyati va yangicha yechimlari bilan ishtirok etdilar.
Tadbir yakunida barcha jamoalar g‘olib deb e’tirof etildi. O‘quvchilarning loyihalari maktab rahbariyatida katta qiziqish uyg‘otdi va ularning tashabbuslari yuqori baholandi. Natijada, barcha startap loyihalarini maktab tomonidan moliyaviy qo‘llab-quvvatlashga qaror qilindi.
Mazkur tashabbus o‘quvchilarga o‘z g‘oyalarini amaliyotga tatbiq etish, loyihalarini rivojlantirish va ularni real natijalarga aylantirish imkonini beradi.
IDEAL STARTUP CHALLENGE 2026 o‘quvchilarning tadbirkorlik salohiyati, mustaqil fikrlashi va jamoada ishlash ko‘nikmalarini namoyon etgan muhim tadbir bo‘ldi.
IDEAL STUDY — yoshlarning g‘oyalariga ishonadi va ularning kelajak sari tashlagan qadamlarini qo‘llab-quvvatlaydi!
